Thuajse të gjithë jemi rritur me histori dashurie të rralla, nga ato që librat e fëmijërisë i sjellin pa kursim, e ku shpesh protagonistët janë një princ dhe një princeshë që martohen dhe jetojnë të lumtur përgjithmonë. Por, nëse diçka e tillë ndodh në realitet, atëherë ka vend për t’u habitur pse jo!
Duket se fati për atë që sot është Dukesha e Kembrixhit dhe një nga femrat më me klas në botë, ka qenë i shkruar qysh herët në dorën e saj. Sipas revistës britanike Hello, që për të parën herë sjell një video ku shfaqet Kate Middleton në moshën 13 vjeçare, e cila interpreton në një shfaqje në shkollë, një fallxhore pjesë e këtij subjekti artistik, bën një profeci dhe i thotë Kate se një ditë ajo do të martohet me një tregtar të pasur, me emrim William. Kate shfaqet e veshur me një fustan të bardhë, me lule në kokë, dhe duke interpretuar në mënyrë krejt të veçantë.
Shumë vite më vonë, Kate e takoi në realitet princin e saj sharmant dhe të pasur. Historia e tyre e dashurisë lulëzoi në universitetin e St.Andrews, ndërsa në 29 prill të vitit 2011 ata u martuan në Westminster Abbey me plot 26 milion njerëz që e ndoqën nga afër këtë ceremoni martesore, ndërsa më shumë se 300 milion individë të tjerë numërohen si audiencë në rang global.
Dhe kjo nuk është assesi një histori përrallash, por një fakt që na konfirmon më së miri, se destinin nuk e ç’bën dot asgjë!
