Kompania ajrore “Adria Airways” ka njoftuar zyrtarisht se ka shpallur falimentin.
Ditën e sotme, “Adria Airways” ka paraqitur një mocion për procedurat e falimentimit të kompanisë në Gjykatën e Rrethit Kranj, Slloveni.
Sipas njoftimit zyrtar të kompanisë, procedurat e falimentimit nisën për shkak të pamundësisë për të shlyer detyrimet financiare të saj, bazuar në rregullat për Operacionet Financiare Sllovene, Procedurat e Falimentimit dhe Aktin e Zhdukjes së Detyrueshme (ZFPPIPP).
Gjykata ka një periudhë tre-ditore, brenda së cilës duhet të vendos për fillimin e procedurave të falimentimit. Në njoftimin e saj, kompania shprehet se do të anulojë të gjitha fluturimet e planifikuara për shkak të fillimit të procedurave të falimentimit.
Në javën e fundit, “Adria” ka anuluar më shumë se 400 fluturime duke prekur më shumë se 15 mijë pasagjerë. Këtu përfshirë edhe fluturimet nga/në Aeroporti Tiranës dhe i Prishtinës. Kompania tani ka lënë pa punë 558 punëtorë. “Adria Airways” kreu operimin e fundit nga Kopenhaga drejt Lubjanës më 23 shtator.
“Adria Airways” ishte blerë nga fondi me bazë në Munih, “4K Invest” më 2016 për një shifër prej 100 mijë eurosh, përmes degës së vet “AA International Holding”. /Opinion.al
