Falimentimi i rafinerisë së naftës në Ballsh ka lënë në rrugë mbi 1200 punëtorë dhe një barrë fiskale për shtetin shqiptar. Pas njoftimit të ministrit Ahmetaj se naftëtarët tashmë kanë dalë në asistencë, shumë qytetarë i kanë kërkuar llogari Kryeministrit Edi Rama për kolapsin e ARMO-s. Kryeministri nuk ka hezituar të përfshihet në debat me një qytetar që e akuzon si njeri pa emër dhe pa mbiemër, por ky i fundit jo vetëm i tregon emrin por e vendos përpara Kryeministrin me argumente. Dhe në fund si për tu justifikuar Rama e çon bisedën shumë larg deri në Itali, duke treguar se “as në Itali nuk po i japin dum rafinerisë e jo më në Shqipëri”.
Ndiqni replikat më poshtë, bërë në facebook-un e Kryeministrit
Algert Myrto: A mund te japesh nje shpjegim (jo vetem mua por te gjithe shqiptareve) per faktin qe: Si ka mundesi qe investitoret e ARMO-s ikin e lene 60 milion euro taksa, tatime, rroga pa paguar? Ku eshte kontrolli i shtetit? Per cfare jeni votuar ju bashke me gjith tepsi e kazan? E di qe do e fshish kete koment….se s’ke pergjigje dhe te intereson reklama.
Edi Rama : Nuk kam pse e fshij dhe mesoje ti pa emer e pa mbiemer qe ketu fshihen nga Roja i Etikes se faqes vetem komentet me permbajtje vulgare! Kjo shifra 60 milione eshte pjelle e fantazise dhe nuk ekziston, ndersa problematika e ARMO-s, eshte shpjeguar me shume se sa nje here. Punetoret nuk jane paguar kur rafineria nuk ka punuar dhe ne kemi bere çmos qe ajo te jete ne pune e punetoret te paguhen, duke nxitur investitore qe te marrin persiper riperteritjen e saj.
Por nevoja per investime aty eshte shume e larte dhe deri me sot kush eshte perfshire ka konstatuar se behet fjale per volume te pamundura financimi e eshte terhequr. Ama mos harroni qe behet fjale per nje ndermarrje te privatizuar me kohe e me vakt, ne pronesi te bankave, ku shteti s’ka rol vendimmarres e ku kemi ngurruar vijimesisht te veprojme drastikisht per te mos lene punetoret pa pune.
Sidoqofte ka hyre ne fuqi tanime skema e pageses se papunesise deri kur te mund te rihapet drita jeshile per venien ne pune te rafinerise. Edhe dicka: Eshte shume bajate dhe tejet e trashe kjo teoria reklama reklama, mos e perdor kur perdor emrin tend te pakten.
Algert Myrto: S’kam pse fshihem. Jam Algert Myrto. Meqe e gjithe Shqiperia eshte e privatizuar me kohe e me vakt ne pjesen me te madhe te sektoreve…besoj keto jane problemet kryesore te nje shteti dhe qe jo vetem duhen zgjidhur por nuk duhen perseritur me tej. Ne menyre qe te quhet nje shtet i fort dhe te fitoj besimin e popullit. Dhe nese 60 milion euro eshte pjell e fantazise se cdo kanali televiziv ke duhet te besojme?
Nese kjo ishte dicka e privatizuar me vakt e me kohe….ju duhej 1vit qe ta kuptonit se nuk po respektoheshin te drejtat e punetorve, kur fare mire mund ti gjobisnit dhe skishte pse vinte puna deri ketu?Un besoj tek individi dhe s’jam tifoz partiak si pjesa me e madhe e shqiptarve…
Edi Rama: Algert Myrto beso kanalet televizive po deshe, une di te them qe 60 milionet jane fantazi! Pjesa tjeter pastaj eshte sic te thashe dhe e di qe detyren e kam une jo ti, por edhe ti besoj e di qe te flasesh e te zgjidhesh nyje te tilla me llafe eshte kollaj, po shko pyet njehere ne Itali pse kane kaq vite qe s’i japin dot tamam dum nje rafinerie gjigande te quajtur Ilva(?)… Nejse, po punojme per ta zgjidhur.
Algert Myrto: Uroj te zgjidhet. Ashtu si shume probleme te tjera. “Ilva” ka shume firma nen nje kontrate ndaj s’po zgjidhet as sot. Naten!
/Opinion.al
