Real Madrid. Asensio, Casemiro, Kovacic, Lucas dhe Morata janë duke kërkuar derën e titullit. Meritokracia e Zinedin Zidane po funksionon. “Unë po përpiqem për të treguar se të gjithë janë të rëndësishëm. Në qoftë se ne jemi të aftë për të arritur qëllimin, grupi është më i rëndësishëm se kushdo.” Fjalë të Zinedine Zidane, që nuk ndalet së promovuari të rinjtë, sikurse bëri në “Anoeta”, prej nga doli me tri pikë në xhep. 90 minuta, në çdo rast, nuk janë dhe aq të mjaftueshme për të treguar se “linja e dytë” e Real Madridit, janë të denjë për të çuar përpara skuadrën, por sinjalet në këtë drejtim janë dhënë. Lojtarë si Casemiro, Kovacic, ose Lucas, të cilët gjatë fazave të ndryshme të sezonit të kaluar mezi kishin në dispozicion minuta të pakta, janë vënë në provë nga Zidane.
Kush e bind në stërvitje, por edhe në ndeshjet e luajtura, në mënyrë të padiskutueshme shpërblehet nga trajneri francez. Shembulli për këtë është Casemiro, çdo ditë e më i vendosur në mesfushë. Faza vendimtare e lojës së brazilianit vazhdon të rritet. Edhe Kovacic, në hije sezonin e shkuar, po fiton terren dita-ditës për 11-shen e parë, përpara James dhe Isco. Vëmendje ka marrë edhe Alvaro Morata. Sulmuesi në fjalë ka përballuar ofensivën e Real Madridit në mungesë të Cristiano Ronaldo dhe Benzema. Është e vërtetë se ai nuk ka shënuar, është pak nervoz, por duke pasur besimin e Zidane, i rikthyeri nga Juventusi mund të shpërthejë.
Në fund të fundit, pse Florentino Perez e risolli në “Bernabeu”, që të shtohet konkurrenca për BBC. Po funksionon për mrekulli meritokracia e Zidane në Madrid, i cili thotë ka shumë vështirësi për të përzgjedhur formacionin titullar: “Kur bëj formacionin, kam një dhimbje koke, sepse të gjithë lojtarët kanë shumë cilësi,” – tha trajneri, i lumtur për të shpërblyer meritat e të tijve. Shembulli më i mirë është ai i Asensio Marco, i cili u kthye nga huazimi tek Espanyol. Real Madridi po funksionon më së miri, edhe pa yje të tillë, si Cristiano Ronaldo, Benzema, Modric, Pepe dhe Keylor. Pra, ata nuk janë më të “çimentuar” në formacion, sepse alternativat janë të shumta, ndërsa trajneri Zidane duket i vendosur të zbatojë meritokracinë, e cila buron nga seancat stërvitore, jo nga emri i njërit apo tjetrit.
