Emisioni investigativ ‘Stop’ në TV Klan do sjellë ditën e sotme, pamje ekskluzive të blerjes së votës në Dibër.
Nëse keni menduar se imazhet e publikuara në media ditën e djeshme ishin gjithçka dihet rreth tjetërsimit të votës, e keni shumë gabim.
“Stop” fakton me zë dhe figurë blerjen e votës në zgjedhjet e Dibrës.
Por jo vetëm kaq, ‘Stop’ publikon edhe çmimin real të një vote, si dhe dëshmon publikisht manipulimin e zgjedhjeve të 11 shtatorit në rrethin e Dibrës.
Dy ditë më parë, votuesit e Bashkisë Dibër kanë zgjedhur Muharrem Ramën për kryebashkiak për mandatin e lënë në mes nga ish-kreubashkiaku, Shukri Xhelili.
Zgjedhjet në Dibër erdhën pas shkarkimit të këtij të fundit pasi u përfshi në një skandal seksual, ku i kërkoi favor seksual një vajze në shkëmbim të vendit të punës në administratën e bashkisë.
Kandidati i majtë Muharrem Rama fitoi garën përballë kandidatit të djathtë Sherefedin Shehu, me një diferencë mbi 4 mijë vota.
