Kryeministri Edi Rama u shfaq sot në një bashkëbisedim online me ata që i quan qytetarë të Kukësit për t’ju shpjeguar se trau në rrugën e Kombit nuk do të hapet pa u zgjidhur problemi i tyre. Teksa opozita protestonte në rrugë për hequr totalisht këtë taksë dhe për lirimin e 11 kukësianëve, kryeministri bëri premtimin e radhës, madje duke kërkuar edhe falje se nuk kishte sqaruar si duhet qytetarët.
Por pas përfundimit të këtij takimi të realizuar me video-ëall në njërën anë të ekranit “qytetarë” të mbledhur në zyrën e Prefektit dhe në anën tjetër kryeministri me ministrin Gjiknuri mësohet se ata që i drejtuan pyetjet Ramës nuk ishte qytetarë të thjeshtë por rrogëtarë të shtetit.
Faktet i ka bërë publike Partia Demokratike e cila ka zbardhur emer për emër pjesmarrësit në bashkëbisedimin me kompjuter.
“Protagonisti i propagandës së Edi Ramës është Xhevdet Sopaj, i dënuar në vitin 2012 për armëmbajtje pa leje. Për shkak të mosdeklarimit të dënimit, KQZ vendosi ndërprerjen e mandatit të tij”, bën të ditur PD-ja, duke vënë publikuar edhe dokumentet e tij.
Më poshtë lista me emrat e personave që morën pjesë në bashkëbisedim:
Jaho Hoxha – Drejtor i Postës Kukës
Agron Hoxha – Drejtor i Drejtorisë së Shëndetit Publik
Fadil Morina – Drejtoria e Shëndetit Publik
Shpresa Kërxhaliu – Nëndrejtoreshë e Gjimnazit
Manushaqe Muça – Mësuese
Afrim Hoda – OSHEE
Ledian Halilaj – Zyra Punës
Skender Ahmeti -DAR
Çlirim Spahiu – Drejtoria e Transportit Rrugor
Azem Elezi -Drejtor i Arkivit dhe kryetar i PS aktual
Besart Tota -Drejtor i IKMT-së
*Vendimi i KQZ për përjashtimin e anetarit te Keshillit Bashkiak Xhevdet Sopaj
