Familja mbretërore në Britani është gjithnjë në qendër të vëmendjes madje duket se ndonjëherë kjo vëmendje prish edhe punë.
Për shkak të disa lajmeve jo të vërteta në lidhje me dukeshën Kate Middleton, mësohet se ajo se është tejet e revoltuar. Pak ditë më parë janë publikuar lajme lidhur me një mosmarrëveshje me një nga mikeshat dhe komshiet e saj në shtëpinë në fshat, Rose Hanbury.
Këtë herë Kate duket se nuk do t’i tolerojë këto lajme të rreme të publikuara nga “The Sun” dhe është duke menduar të marrë masa ligjore. Sipas lajmeve të këtij tabloidi Kate e ka konsideruar Rose si ‘rivalen e saj rurale’ madje i ka kërkuar Princ William t’a largojë nga rrethi i tyre i miqësive.
Pas këtyre publikimeve burime pranë çiftit mbretëror janë shprehur se William dhe bashkëshorti i Rose, David kanë qenë së bashku këtë fundjavë që lamë pas dhe nuk kanë ditur nëse duhet të ankohen apo të qeshin për këto lajmë të rreme.
Ndërsa bashkëshortet e tyre janë mjaft të prekura nga ato çfarë është shkruar rreth marrëdhënies së tyre. Ato kanë planifikuar që në të ardhmen të realizojnë vepra bamirësie së bashku./Opinion.al/
