Facebook ka nxjerrë masa të reja sigurie për të mbrojtur përdoruesit në Afganistan.
Pas rekomandimeve nga aktivistët, gazetarët dhe grupet e shoqërisë civile, kompania thotë se përdoruesit tani mund të mbrojnë postimet e tyre nga njerëzit që nuk i njohin.
Gjithashtu, përdoruesit e Instagram-it në Afganistan do të marrin njoftime që i informojnë ata për metodat për të mbrojtur llogaritë e tyre.
“Ne po punojmë ngushtë me homologët tanë në industri, shoqëri civile dhe qeveri për të ofruar çdo mbështetje që mundemi për të ndihmuar në mbrojtjen e njerëzve,” shkroi në Tëitter Nathaniel Gleicher, kreu i politikës së sigurisë në Facebook./Opinion.al
