Ashtu siç ishte paralajmëruar, “Facebook” ka ndryshuar emrin. Tashmë Facebook do të mbajë emrin “Meta”, ka njoftuar në konferencën e saj vjetore.
Kompania zbuloi gjithashtu planet për një botë në internet ku njerëzit mund të luajnë, të punojnë dhe të komunikojnë në një mjedis virtual
Ndryshimi i emrit vjen pas një sërë historish negative për Facebook, bazuar në dokumentet e zbuluara nga një ish-punonjës, por dhe pasi pësoi një goditje javët e fundit.
Ish-punonjësa Frances Haugen ka akuzuar kompaninë për vendosjen e “fitimeve mbi sigurinë”. Më herët kompania Google ndryshoi emrin në Alphabet.
