Me shfaqjen e fruthit dhe sëmundjeve të tjera infektive në rrjetin social Facebook, filluan të qarkullonin lajme kundër vaksinimit, duke e cilësuar atë si të dëmshëm. Pasi reklamat u bënë virale, ndaj rrjetit social u ngritën një sërë akuzash, kryesisht mbi faktin që nuk ka gjetur ende politikat e duhura që ndalojnë publikimin e tyre.
Por sipas CNN mësohet se Facebook është duke studiuar mënyrat e mundshme për frenimin e disinformimit që përcillet në platformën e saj, në bashkëpunim me disa ekspertë të shëndetit publik.
Edhe pse kompania nuk mund të eleminojë mesazhet apo publicitetin që i bëhet mos vaksinimit që cilësohet si fenomen i dëmshëm nga disa grupe individësh po tentohet të modifikohen rregullat e vendosura për publicitet dhe gjithashtu po punohet për të minimizuar vizibilitetin e mesazheve për mos vaksinimin. Me masat e reja shpresohet se nuk do të ketë më antireklama.
Kujtojmë se me rishfaqjen e sëmundjeve infektive, Facebook ka qenë nën presion për një kohë të gjatë për rolin e tij në përcjelljen e informacioneve të rreme lidhur me rreziqet e vaksinave./E.M
