Sipas të dhënave të Facebook, autoritetet shqiptare kanë bërë 5 kërkesa për të patur akses të 15 llogaritë e rrjetit social. E si zakonisht, për të ruajtur privatësinë emrat e përdoruesve nuk janë publikuar.
Chris Sonderby, i cili ka publikuar raportin, ka thënë se ekziston një rritje, në nivel global, në kërkesat e qeverive për të pasur akses në profilet e Facebook. Numrin më të lartë të kërkesave e kanë SHBA-të me rreth 19,235 për 30 mijë profile. Sipas ligjeve që ndjek rrjeti social, të dhënat jepen për njerëz të dyshuar për pengmarrje, grabitje me armë apo të shpallur në kërkim për krime të rënda.
