Fabio Capello ka refuzuar pankinën e kombëtares Italiane.
Gjatë një prononcimi për ‘Radio anch’io Sport’ ai shprehet: ‘Unë trajneri i ri i kombëtares Italiane? I kam konsumuar të gjitha eksperiencat e mia me Anglinë dhe Rusinë. E fundit ishte në Kinë, me Jiangsu Suning, doja të provoja edhe një herë të stërvitja një skuadër. Jam shumë i lumtur kështu’.
Capello vazhdon më tej duke vlerësuar trajnerin Mancini duke thënë se është trajner me eksperience dhe i duhuri për kombëtaren Italiane.
Ndërkohë ka folur edhe për mundësinë që ka Juventusi dhe Roma për të kaluar për në çerekfinale të Champions League kundër Barcelonës dhe Real Madrid.
“Me Ronaldon dhe Messin si kundërshtarë e nisin ndeshjen nga 1-0, ata të dy janë futbollistë gjithmonë vendimtar, sidomos këtë vit. Ronaldo ka ardhur në formë të shkëlqyer muajt e fundit dhe po luan në një mënyrë të ndryshme, nga sulmues i zonës në një qendërsulmues të vërtetë. Messi është njeriu që shpik. Nuk u jap shumë shanse dy klubeve italiane dhe më vjen keq për këtë. Por cilësitë e këtyre lojtarëve dhe mundësitë ekonomike të këtyre skuadrave tashmë janë shumë më superiore nga ato të klubeve italiane” ka përfunduar trajneri italian.
