Komuna e Prishtinës në zgjedhjet komunale të 2017-ës do të shkoje në balotazh. Kështu kanë treguar të dhënat e EXIT POLL të Klan Kosovës. Kandidati i VV-së Shpend Ahmeti do të përballet me kandidatin e LDK-së, Arban Abrashi, për të parin e kryeqytetit. Ferizaj do të shkojë në balotazh Lidhja Demokratike e Kosovës dhe Partia Demokratike e Kosovës. Gjilani do të shkojë në balotazh. Atje përballen Lutfi Haziri i LDK-së dhe Sami Kurteshi i Vetëvendosjes.
Komuna e Mitrovicës në zgjedhjet komunale 2017, shkon në balotazh. Për njërin nga qendrat më të ndjeshme në Kosovë do të përballen Agim Bahtiri nga AKR dhe Valdete Idrizi nga PDK-së. Komuna e Prizrenit do të shkojë në balotazh mes PDK-së dhe Lëvizjes Vetëvendosje. Në komunën e Gjakovës në këto zgjedhje lokale, në balotazh shkon Alternativa bashkë me AAK-në.
Partia Demokratike e Kosovës, është duke i prirë garës për asamble komunale në qytetin e Mitrovicës. Kështu raportojnë rezultatet e para të Exit Poll-it të Klan Kosovës, ku PDK renditet me 34.5% të votave duke pasuar nga AKR me 28.2% të votave.
Kujtojmë se Mitrovica sjell befasi pasi qëndron në balotazh ku pritet të përballen Agim Bahtiri nga AKR si dhe Valdete Idrizi nga PDK, njofton Klan Kosova.
Këto rezultate vijnë nga ekipi në krye me analistin Shkëlzen Maliqi të cilët kanë përpunuar të dhënat e mbledhura nga shtatë komuna në Kosovë.
Garës për Asamblenë Komunale të Ferizajt po i prinë Partia Demokratike e Kosovës, duke u bazuar në të dhënat e EXIT POLL të Klan Kosovës.
PDK ka marrë 32.7 % të votave ndërsa LDK-ja 30.2% në Ferizaj.
Vetëvendosja ka mbledhë 22.9%, AAK 8.3%, NISMA 2.3%.
Partitë tjera kanë mbledhur 3.5% të votave.
Partia Demokratike e Kosovës udhëheq në garën për asamble në komunën e Prizrenit. Pas saj vjen Lidhja Demokratike e Kosovës, e më pas Lëvizja Vetëvendosje. Garës për Asamblenë Komunale të Prishtinës po i prinë Lëvizje Vetëvendosje, duke u bazuar në të dhenat e EXIT POLL të Klan Kosovës.
Lëvizja Vetëvendosje ka marrë 39.5% të votave ndërsa LDK-ja 29.1% në kryeqytet.
Sipas të dhënave nga EXIT POLL kandidati i PDK-ja ka mbledhë 10.1% të votave, AKR-ja ka marrë 8.0%, përderisa AAK-ja ka 6.8% e NISMA me 2.8 %.
