Vajza 7-vjeçare, Bana Al-Abed, që u bë e fashme për postimet e saj në rrjetin social Twitter, të ferrit të përditshëm të Aleppos në Siri, është evakuuar së bashku me familjen e saj gjatë armëpushimit.
Lajmin e ka bërë të ditur, OJF-ja humanitare turke IHH, e cila njoftoi përmes faqes së saj në Twitter se Bana Al-Abed, 7-vjeçe, u evakuua sot në mëngjes nga Aleppo bashkë me familjen e saj. Agjensia thekson se ajo bënte pjesë në grupin e parë që u transportua sot në mëngjes dhe aktualisht ndodhet në krahinën Rashidin, në zonën rurale të Aleppo-s, ka saktësuar për AFP-në, një zëdhënës i IHH.
Baba Al-Abed, nga muaji shtator, (@AlabedBana) postonte në Twitter me nënën e saj, copëza jete nga Aleppo i rrethuar dhe bombarduar nga avionët e regjimit mbështetur edhe nga Rusia.
Llogaria e saj në Twitter, ndiqet 323.000 persona.
Vajza 7-vjeçare, në postimin e saj të fundit në Twitter, të dielën, i lutej presidentit turk Rexhep Taip Erdogan dhe ministrit të tij të jashtëm Mevlut Cavusoglu të bënin gjithçka që të funksiononte armëpushimi i arritur me ndërmjetësimin e Turqisë dhe Rusisë më qëllim që banorët e lagjeve të rebelëve në Siri, të mund të evakuuoheshin.
“Ne jemi kaq të lodhur”, kishte shkruar ajo.
Ministri i jashtëm turk, i është përgjigjur menjëherë në Twitter, duke shkruar: Të jesh e sigurtë, vështirësitë në terren nuk do të na ndalin. Ne do të bëjmë gjithçka për të nxjerrë ty dhe mijëra të tjerë drejt një vendi të sigurtë.
