Gjigandi i teknologjisë, Samsung, kishte zëvendësuar telefonin Samsung Galaxy Note 7, me një të ri. Sipas kompanisë modeli i zëvendësuar ishte i sigurt dhe nuk do të kishte probleme me shpërthimin e baterisë. Megjithatë, e kundërta ndodhi gjatë fluturimit nga Louisville në Baltimore. Telefoni shpërtheu gjatë udhëtimit dhe autoritetet u detyruan të bënin evakuimin e pasagjerëve.
Pronari i Note 7, Brian Green ka thënë se telefoni i tij ishte në prag të fikjes kur ai e futi në xhep. Green pohon që vetëm disa sekonda më vonë ai dëgjoi një kërcitje dhe e vërejti që tymi filloi të dilte jashtë pantallonave të tij.
Note 7 ishte tërhequr nga tregu në shtator dhe më pas ishte ri shpërndarë nga Samsung i cili pretendonte se kishte identifikuar dhe zgjidhur problemin.
