Ajo njihej me emrin ‘Princesha Eva’ dhe prej ditës së djeshme lezhjania Eva Preka nuk do jetë më në Itali, pasi u deportua në Shqipëri.
Prostituta e luksit iu dorëzua autoriteteve shqiptare. 34-vjeçarja kishte edhe një nofkë në botën e trafikut të kokainës.
Ajo quhej “Zonja e bardhë”.
Policia e Sanremos e arrestoi në flagrancë me 1 kilogram kokainë të pastër në vitin 2010. Arrestimi ishte pjesë e një operacioni ndërkombëtar të trafikut të drogës.
Banda drejtohej nga partneri i saj. Por Eva u la në arrest shtëpie dhe ajo humbi gjurmët.
Vetëm në vitin 2014, policia e arrestoi sërish, këtë herë në Milano, ku punonte si prostitutë luksi.
Duke përdorur nofkën “Princesha Eva”, ajo e kishte zgjeruar aktivitetin e saj në Romë dhe Milano, duke shoqëruar klientë të pasur në restorante dhe hotelet më të mira.
Madje ajo bënte selfie me njerëzit e famshëm që takonte dhe më pas i postonte online.
Pikërisht nga kjo u nis policia, që arriti ta prangosë në vitin 2014. Ajo u ofronte klientëve jo vetëm seks, por edhe drogë të cilësisë së parë. Tanimë ajo është dëbuar në Shqipëri si masë alternative ndëshkuese.
