Eurodeputetja greke, Eva Kaili u shfaq për herë të parë në Parlamentin Europian pas skandalit të Katargate, e cila mori pjesë të mërkurën, në fjalimin e Sviatlana Tsikkhanouskaia.
Është hera e parë që Eva Kaili shfaqet e ulur në stol pas skandalit të QatarGate, për të cilin u burgos në Bruksel.
Kërkesa e Eva Kailit për të marrë pjesë në diskutimet e Parlamentit Evropian në Strasburg, iu transferua autoriteteve belge nga avokati i saj, Michalis Dimitrakopoulos dhe u pranua qershorin e kaluar.
Kujtohet se më 18 janar 2022, Kaili u bë nënkryetare e Parlamentit Europian, pasi u zgjodh në raundin e parë të zgjedhjeve me 454 vota.
Më 10 dhjetor dhe pas arrestimit për pjesëmarrje në skandalin e QatarGate, me vendim të kryetares së Parlamentit Evropian, Roberta Metzola, asaj iu hoqën të gjitha përgjegjësitë që kishte si nënkryetare, ndërsa më 13 dhjetor u hoq nga detyrat.
Më 15 dhjetor, Prokurorja e Përgjithshme Europiane kërkoi heqjen e imunitetit të saj, pasi kishte dyshime për mashtrime në kurriz të buxhetit të BE-së, në lidhje me menaxhimin e kompensimit parlamentar dhe në veçanti për shpërblimin e asistentëve të saj të akredituar parlamentar.
Kaili u lirua, me monitorim elektronik të lëvizjeve të saj, më 12 prill.
Në lirimin e saj ka luajtur rol fakti që pakot e parave të konfiskuara në kuadër të çështjes nuk kishin shenja gishtash të saj, por të Pançerit dhe Giorgit./Opinion.al
