Një skandal ka përfshirë Eurovisionin e këtij viti, i cili mbrëmjen e djeshme zhvilloi edhe gjysmë finalen e parë në Itali. Mediat italiane raportojnë se disa vajza vullnetare kanë ngritur akuza për ngacmime seksuale.
“U ndjeva e pafuqishëm, doja të shpëtoja, por nuk munda …”,-tha Paola, emri jo real i njërës prej vullnetareve që pretendon se është ngacmuar nga disa balerinë gjatë festës së inaugurimit të Eurovision Song Contest, të dielën në mbrëmje në Reggia di Venaria.
Një festë VIP në një ambient ekskluziv u organizua në Citroniera në rezidencën e Savojës, një trashëgimi e UNESCO-s, e cila për disa vajza me këmishën portokalli, ngjyrën e uniformës së tyre, është kthyer në një përvojë “të turpshme” dhe gjithçka tjetër veçse jo e këndshme.
Për momentin nuk ka asnjë ankesë në polici për këtë akuzë shkruajnë mediat italiane.
“Nëse do të kisha vënë re nëse diçka nuk shkonte, do të kisha ndërhyrë e para. Kam marrë pjesë në të gjithë festën dhe mund t’ju siguroj se nuk kam parë asnjë ngacmim”, tha Alessandra Aires, zyrtare komunale dhe koordinatore e Mikpritësit të Delegacionit për ANSA.
“Ndoshta në muhabet ka pasur disa komente, por të gjitha i atribuohen entuziazmit të festës”,-shtoi ajo.
“Ishin disa djem nga delegacionet që na përqafuan gjatë gjithë kohës. Njëri më vuri dorën në bel dhe u përpoq të më puthte. Arrita të çlirohem, por një tjetër u afrua dhe u soll në të njëjtën mënyrë. Në fund arritëm të iknim. Jam e lumtur që jam vullnetare e Eurovizionit, por nuk prisja që ajo që duhet të ishte një përvojë e mirë për mua të kthehej në ngacmim”-tha Paola.
Ndërkohë nënkryetarja e shoqatës ‘Torino City of Woman’, Carola Miessina u shpreh se këto janë episode që fatkeqësisht nuk na habisin por këto raportime duhet të merren parasysh./Opinion.al
