Edicioni i radhës i festivalit të Eurovision do të mbahet këtë vit në Holandë, por duket se nuk do të zhvillohet në Amsterdam.
Kryebashkiakja e Amsterdamit Femke Halsema u shpreh se kryeqyteti Holandez nuk do ta organizojë eventin, pasi “Ziggo Dome” ku ishte programuar të zhvillohej festivali është i prenotuar dhe nuk lirohet dot as tetë javë para eventit.
Ky fakt ka hapur garën mes 5 qyteteve të tjera në Holandë për të zgjedhur se ku do të mbahet eventi i përvitshëm i muzikës. Rotterdami, Utrechti, Den Bosch-i, Arnhemi dhe Maastricht-i janë qytetet, ku njeri prej tyre do të përzgjidhet për të zhvilluar Eurovizionin dhe fituesi pritet të njoftohet përgjatë muajit gusht.
Edicioni i kaluar i Eurovizion u fitua nga nga këngëtari Duncan Laurence në festivalin e organizuar në Izrael./Opinion.al/
