Europol mbështeti autoritetet gjermane dhe belge për të goditur një grup të krimit të organizuar të përfshirë në trafikun në shkallë të gjerë të drogës dhe pastrimin e parave në të gjithë Evropën.
Operacioni është zhvilluar më 25 maj, kur mbi 300 oficerë, duke përfshirë ekipet e ndërhyrjes speciale dhe ekipet e K9, kryen një sërë bastisjesh të njëkohshme në Gjermani dhe Belgjikë ndaj anëtarëve të këtij grupi kriminal të strukturuar në mënyrë familjare, i përbërë kryesisht nga shtetas shqiptarë.
15 prej të arrestuarve u kapën në Belgjikë, ndërsa 2 të tjerë në Gjermani. Ndërkohë janë sekuestruar 3 kg drogë sintetike, 3 kg kokainë, 13 makina, 3 armë, mbi 700 mijë euro cash, një “shtëpi bari” dhe 15 kilogramë kanabis.
Veprimet u koordinuan nga një qendër komanduese e vendosur në Bruksel, Belgjikë, me oficerë të Europolit të vendosur në terren.
Organizata kriminale e vënë në shënjestër ishte e specializuar në trafikun e heroinës dhe kokainës.
Hetuesit zbuluan se droga po kontrabandohej në kontejnerë në Belgjikë, përpara se të transferohej në Gjermani me automjete të pajisura me ndarje të sofistikuara të fshehura. Droga më pas shpërndahej në të gjithë Evropën./Opinion.al
