Kanë luajtur disa Kuq e Zinj sonte në mbrëmje në Europa Ligë. Por jo të gjithë kanë gëzuar në fund.
Napoli e mbylli me pikë të plota fazën e grupeve në Europa League. Ekipi italian pjesë e të cilit është edhe Elseid Hysaj, mundi Legian e Varshavës me rezultatin 5 – 2.
Trajneri Maurico Sarri nuk e aktivizoi mbrojtësin shqiptar, duke e lënë në stol, pasi është më i nevojshëm në Serinë A, për momentin. Elsied Hysaj ka luajtur vetëm 132 minuta deri më tani në Europa League.
Paoku i eliminuar nga Europa League e mbylli me fitore fazën e grupeve. Skuadra e Ergys Kaçes që luajti për 90 minuta mundi Borusian e Dortmundit në fushën e saj me rezultatin 0 – 1.
Një tjetër paraqitje e mirë e mesfushorit të Kombëtares, i cili është një futbollist i rëndësishëm te ekipi grek. Këtë sezon i kushtëzuar edhe nga dëmtimet Kaçe luajti në 3 nga takimet e fazës së grupeve.
Në krahun tjetër u aktivizua edhe Adnan Januzaj. Lojtari me origjinë shqiptare u ndëshua me karton të verdhë.
Slovan Libereci i Herolind Shalës është eliminuar nga Europa League. Skuadra çeke është mundur në sfidën direkt me Marsejën me rezultatin 2 – 4. Liberecit i duhej një fitore për të vijuar aventurën në kupat e Europës.
Mesfushori i Kombëtares e nisi si titullar duke qëndruar në lojë deri në minutën e 66’ ku u zëvendësua. Shala u pëpoq të ndihmonte ekipin e tij, që e mbyll në vendin e tretë.
