Aktualitet

Eurodeputetja e parë shqiptare në PE, Basha: Moment historik!


               Publikuar në : 08:29 - 27/05/19 |
xhu lia

Për herë të parë në Parlamentin Europian është zgjedhur një eurodeputete shqiptare. Emri i Arba Kokalarit u shpall fitues gjatë votimit të djeshëm në zgjedhjet për Parlemantin Europian, ku ajo është zgjedhur nga Suedia si përfaqësuese në këtë parlament. 32-vjeçarja Kokalari arriti të fitojë shumicën e votave duke përfaqësuar partinë e Moderatëve suedezë, pjesë e Partisë Popullore.

Pas shpalljes së rezultatit, Kokalari e cila prej vitesh jeton në Suedi ka shkruar në profilin e saj në Facebook:

“Unë kam hyrë në parlamentin evropian! Faleminderit për të gjithë ata që kanë luftuar për mua!”,-përfundon ajo.

Arba Kokalari ka lindur në Tiranë në vitin 1986 dhe është mbesa e Musine Kokalarit, e cila është diplomuar në “La Sapienza” të Romës në vitin 1941, por që u dënua dhe internua më vonë nga regjimi komunist i Enver Hoxhës në Shqipëri dhe vdiq në 1983.

Arba ka nisur të merret me politikë që në moshën 16-vjeçre, ndërkohë që vitet e fundit ishte mjaft aktive në partinë e saj ku udhëhoqi rininë dhe departamentin e Kulturës në qytetin e Stokholmit, po ashtu edhe zëvendëse e kryetarit të shoqatës së EPP-së YEPP në maj 2015.

Një ndër reagimet e para për fitoren e Kokalarit në Parlamentin Europian ka ardhur nga kreu i Partisë Demokratike, Lulzim Basha përmes një statusi në rrjete sociale ku i ka shprehur urimet 32-vjeçares.

Të dashur miq, sapo urova në telefon Eurodeputeten e parë shqiptare, shqiptaro-suedezen Arba Kokalari që u konfirmua pak çaste më parë si fituesja e mandatit të eurodeputetes për partinë e Moderatëve suedezë, simotrës tonë në Partinë Popullore Europiane!
Natë e paharrueshme për Arbën dhe familjen e saj, natë fitore për Moderatët që konfirmuan 4 eurodeputetë dhe natë historike për të gjithë ne shqiptarët që inagurojmë me Arba Kokalarin praninë shqiptare në ulëset e Parlamentit Europian!

Krenar dhe i lumtur me fitoren e Arbës, ju shpreh mirënjohjen time të gjithë bashkatdhetarëve tanë në Suedi që me votën e tyre e mundësuan këtë moment historik!

Dua po kështu t’ju falenderoj me mirënjohje në emrin tim dhe të Partisë Demokratike, të gjithë ju bashkatdhetarë të nderuar në vendet e BE që me votën tuaj për partitë simotra të PD, rikonfirmuat Partinë Popullore Europiane si forcën e parë politike në Parlamentin e ardhshëm Europian!,”-ka përfunduar Basha.

kjk r2 r1 basga
<
>

 

Pas