David Lega, eurodeputeti dhe Raporteri për Shqipërinë në PE, është shprehur ditën e sotme në Parlamentin Evropian se Shqipëria ka bërë progres, por sipas tij, shqetësim mbetet përmbushja e të gjitha kushteve për hapjen e negociatave me Bashkimin Evropian.
Këtë deklaratë Lega e bëri gjatë prezantimit të draft-raportit për Shqipërinë. Eurodeputeti ka theksuar se Shqipëria duhet të bëj progres kundër krimit të organizuar dhe korrupsionit.
“Shqipëria ka bërë progres, por patjetër që shqetësimi jonë është që të përmbushen të gjitha kushtet para hapjes së negociatave. Duhet të vazhdohet më tej kundër krimit të organizuar dhe korrupsionit, duhet bërë më shumë në këtë fushë. Shqipëria e meriton të ecë përpara në rrugën e saj drejt BE, populli shqiptar meriton një progres të qëndrueshëm. Shpresoj shumë që të vazhdoj të bashkëpunoj me raportuesen për Shqipërinë për të vazhduar rrugën drejt BE-së”, tha Lega./ Opinion.al
