Kryetari i Komitetit të Asociimit dhe Stabilitetit të BE-së, Manolis Kefalogiannis ka vizituar në burgun e Tiranës kryebashkiakun e Himarës Fredi Beleri.
Në të njëjtën kohë, eurodeputeti i PD-së zhvilloi takime me Presidenten e Parlamentit Europian Roberta Metsola dhe relatoren e Raportit për procesin integrues të Shqipërisë, eurodeputeten Isabella Santos, e cila i informoi për udhëtimin që bëri në Shqipëri dhe ndalimin e padrejtë të kryebashkiakut të Himarës nga autoritetet shqiptare.
Sipas Protothema.gr, Kefalogiannis i kërkoi presidentit të Parlamentit Evropian të marrë iniciativa për t’i dhënë fund menjëherë trajtimit të padrejtë dhe diskriminues të kryetarit të zgjedhur.
Eurodeputeti është takuar gjithashtu edhe me djalin e Belerit, për të diskutuar për çëshjtet e ndodhura së fundmi në lidhje me babain e tij.
Kujtojmë se një ditë më parë është konstituaar dhe Këshilli Bashkiak i Himarës, teksa GJKKO refuzoi kërkesën e Belerit për të marrë pjesë në këtë ceremoni dhe për t’u betuar si kreu i ri i kësaj bashkie.
Ndërkohë pas këtij lajmi ambasadorja greke në Tiranë, Konstantina Kamitsi, tha për mediat se mungesa e Belerit në mbledhjen e parë të Bordit të Drejtorëve, është një “goditje e madhe për shtetin e së drejtës” dhe duke iu referuar veçanërisht vlerave europiane./Opinion.al
