Eurodeputeti dhe kryetari i Partisë së Gjelbër Europiane, Thomas Waitz ka reaguar për situatën e tensionuar në Veri të Kosovës.
Përmes një postimi në rrjete sociale Waitz tha se përshkallëzimet janë rezultat i viteve politikë etno-nacionaliste të Aleksandër Vuçiçit dhe retorikës përçarëse.
Ai shkruan se Partia Popullore Evropiane duhet të përfundojë urgjentisht bashkëpunimin me Vuçiç pasi po nxit tensione.
Sipas tij edhe ushtarët e gazetarët e KFOR-it janë bërë objektiva të kësaj gatishmërie për dhunë.
“Këto përshkallëzime janë rezultat i viteve të politikës etno-nacionaliste të Aleksandar Vuçiçit dhe retorikës përçarëse. Edhe ushtarët dhe gazetarët e KFOR-it janë bërë objektiva të kësaj gatishmërie për dhunë. I dënoj sulmet në termat më të fortë. Partia Popullore Evropiane (EPP) duhet të përfundojë urgjentisht bashkëpunimin me Aleksandar Vuçiçin, kundër të cilit po zhvillohen protesta masive aktualisht në Serbi”, shkruan ai në Twitter.
Ndër të tjera ai thekson se “kemi nevojë urgjente për zgjidhje politike për krizën në veri” dhe që të dyja palët të kthehen në tavolinën e dialogut./Opinion.al
My statement to #Kosovo and yesterdays riots: https://t.co/THL6i63ker pic.twitter.com/914ylxVYTR
— Thomas Waitz (@thomaswaitz) May 30, 2023
