20 eurodeputetë kanë dalë në një deklaratë të përbashkët për Maqedoninë e Veriut dhe Shqipërinë në prag të takimit të sotëm të ministrave për çështjet evropiane
Përmes kësaj deklarate eurodeputetët i kanë bërë thirrje Këshillit Europian të miratojë kornizat negociuese dhe të ndalojnë shtyrjen e bisedimeve të pranimit në BE të dy vendeve.
Sipas eurodeputetëve duhet të nxiten të gjitha palët të nxiten për gjetjen e një zgjidhjeje që negociatat të fillojnë para fundit të vitit.
Eurodeputetët thonë se bllokimi aktual me Maqedoninë e Veriut dhe Shqipërinë rrezikon besueshmërinë e BE në Ballkan. Sipas tyre, Shqipëria meriton të ecë përpara në rrugën drejt Bashkimit Europian.
Eurodeputetët theksojnë në deklaratën e tyre se Bullgaria duhet të miratojë hapjen e konferencës ndërqeveritare (IGC) me Maqedoninë e Veriut sa më shpejt të jetë e mundur dhe në çdo rast në dhjetor, duke pranuar kështu përpjekjet e vendit në procesin e pranimit në BE.
Maqedonia e Veriut, në rolin e saj si një vend i ardhshëm i pranimit, duhet gjithashtu të bëjë çdo përpjekje të mundshme nga ana e saj për të zgjidhur çështjet e pazgjidhura, theksojnë eurodeputetët në deklaratën e tyre.
