Shqipëria organizoi për herë të parë në histori, Euro U-17, një event ku morën pjesë tetë kombëtare, përfshirë edhe ekipin kuqezi.
Organizimi ishte i suksesshëm, diçka që u konfirmuar edhe nga presidenti i FSHF-së, Armand Duka.
Në një intervistë të dhënë për gazetaren Viola Spiro në Klan News, kreu i futbollit në vend, deklaroi se gjithçka shkoi shumë mirë.
Duka tha se numri i tifozëve ishte i lartë, pranë rekordit, ndërsa më shumë spektaktorë për këtë turne, pa pasur vetëm Gjermania.
“Në një ditë kaq të rëndësishme, para një sfide kaq të rëndësishme si ajo me Serbinë, është e vështirë që të flasësh për gjëra të tjera. Sapo kemi përfunduar Euro U-17, një event i rëndësishëm dhe i suksesshëm, nga të gjitha këndvështrimet, përveç rezultateve të ekipit tonë kombëtar, i cili nuk arriti të ishte në nivelet e kundërshtarëve të tjerë.
Çdo gjë nga pikëpamja organizative, logjistike apo qoftë edhe nga ndjekja e spektatorëve ishte një gjë shumë e bukur. Afër rekordit. Në të gjitha historitë e Euro U-17, vetëm njëherë në Gjermani ka pasur më shumë tifozë së në Shqipëri. Çdokush që e vizitoi Shqipërinë, u larguan me mbresa pozitive. Ishte një event tejet pozitiv”, u shpreh Duka./tvklan
