Belgjika regjistroi fitoren e parë në Euro U-17, turne që po mbahet në Shqipëri.
Kombëtarja belge triumfoi 3-1 ndaj Çekisë në stadiumin “Niko Dovana” të Durrësit, në ndeshjen e grupit B.
Të tre golat për skuadrën e Broëaeys, u shënuan në pjesën e parë të takimit. Camara ishte protagonist me dopietën e realizuar në minutat 24 dhe 42, ndërsa Gielen trefishoi shifrat në fundin e pjesës së parë.
Çekia reagoi në fraksionin e dytë me golin e Cizek në minutën e 65-të, por pa arritur të ndryshojë fatin e takimit. Belgjika merr kështu tre pikët e para dhe ngjitet përkohësisht në krye të Grupit B, me katër pikë pas dy ndeshjeve.
Sfida e radhës për belgët do të jetë ndaj Italisë, ndërsa Çekia do të luajë ndaj Anglisë.
