Franca do të përballet me Belgjikën ditën e sotme në orën 18:00 në stadiumin e Dyseldorfit, takim i vlefshëm për fazën e 1/8-ave të Kampionatit Europian 2024.
Dy kombëtaret, konsiderohen mes favoritëve për të marrë trofeun në fund dhe për këtë arsye, spektakli është i garantuar.
Në një Europian, Franca dhe Belgjika janë përballur mes tyre 5 herë, ku në dy raste kanë fituar “djajtë”, ndërsa në një rast kombëtarja e “gjelave”. Dy sfida janë mbyllur në barazim.
“Gjelat” arritën të siguronin kualifikimin duke u renditur në vendin e dytë të Grupit D, me 5 pikë të grumbulluara në total. Belgjika nga ana tjetër, arriti të kualifikohej duke siguruar vendin e dytë të Grupit E, me 4 pikë të grumbulluara në total.
Pak minuta para fillimit, dy trajnerët kanë zbuluar edhe formacionet zyrtare për këtë përballje.
FORMACIONET ZYRTARE:
FRANCA: Maignan, Kounde, Upamecano, Saliba, Theo Hernandez, Tchouameni, Kante, Rabiot, Griezmann, Thuram, Mbappe.
BELGJIKA: Casteels, Theate, Vertonghen, Faes, Castagne, Doku, Openda, Onana, Carrasco, De Bruyne, Lukaku.
