Italia e Luçiano Spaletit arriti një barazim dramatik 1-1 ndaj Kroacisë, në duelin e fundit të Grupit B. Falë këtij barazimi të kaltrit arritën të siguronin kualifikimin duke u pozicionuar në vendin e dytë.
Kroacia dhuroi një 90 minutësh spektakolar, duke kaluar në avantazh me golin e Luka Modriç në minutën e ’55, vetëm një minutë pasi dështoi të shënonte nga pika e bardhë, pasi penalltia e goditur prej tij u prit nga Donnaruma.
Por Italia nuk u dorëzua në asnjë moment dhe shënoi në frymën e fundit, për ta mbyllur grupin në vendin e dytë me 4 pikë. Në minutën e ’98, Zaccagni i ardhur nga stoli dërgoi mrekullisht në rrjet një asist të Calafiorit.
Pas këtij barazimi në shifrat 1-1 edhe Kroacia mbetet jashtë fazës së 1/8.
Ndërkohë që Italia ka mësuar edhe kundërshtarin e fazës së 1/16-ve, teksa do të përballet me Zvicrën, të shtunën e 29 qershorit, në orën 18:00. Një duel ky që pritet të jetë tepër i luftuar për të dyja skuadrat.
