Ekipi i Italisë është më i vështiri për kombëtaren shqiptare në EURO 2024 sipas gazetarit sportiv Uvil Zajmi.
Në emisionin “Opinion”, Zajmi tha se skuadra italiane është e paparashikueshme, gjë e cila e bën të rrezikshme në lojë.
Blendi Fevziu: Zajmi kë ke më frikë nga ekipet? Nuk është më ajo Italia që njeh ti.
Uvil Zajmi: Italia sepse unë jam shumë dakord me çfarë tha Shulku, Spanjën e njohim dhe Italia është një skuadër që nuk donte asnjë ta kishte në grup, sepse është një skuadër me potencial të madh një skuadër me histori, një skuadër e surprizave. Atëhere kur mendohet që Italia të jetë më dobët se çdo ekip tjetër Italia ka marrë kupën e botës, ka dalë kampione e botës. Pra e konsideroj ekipin më të vështirë sepse askush nuk e parashikon se çfarë Italie do të kemi. Nëse Spanjën e njohim edhe pse nuk luan një ndër lojtarët kryesor të dëmtuar që është një humbje e madhe për Spanjën në këtë event, por që Italia është një ekip jashtëzakonisht i vështirë jo për ne, por për Spanjën dhe Kroacinë për shumë e shumë arsye sepse siç thashë Italia është e paparashikueshme.
Blendi Fevziu: Po për ne kë ke frikë përshembull, për ndeshjet që do bëjmë ne?
Uvil Zajmi: Po quajmë Italinë të parën sepse…
Blendi Fevziu: Po ti me kë do jesh tifoz njëherë? Se po i bie rrotull
Uvil Zajmi: Simpatia pasioni ndër vite është tjetër gjë dhe fanella ngjyrat është tjetër gjë...
Blendi Fevziu: Ai ka të drejtën që gol të bërtasë për të dyja skuadrat. Tani si përfundim për kë do bëje tifo?
Uvil Zajmi: Për Shqipërinë së pari pastaj nuk kam ndonjë preferencë. Sigurisht Italia është në preferencat e brezit tim që ju e dini shumë mirë…
