Spanja dhe Anglia do të përballen mbrëmjen e nesërme në finalen e Europianit, sfidë e cila do të luhet në stadiumin Olimpik në Berlin.
Mësohet se skuadrat do të mbështeten me nga 11,500 tifozë secila mbrëmjen e të dielës.
Këto janë shifrat zyrtare që UEFA ka ndarë për dy federatat finaliste.
Të gjithë këto bileta janë të shitura tashmë për 95 euro dhe të disponueshme me çmime më të larta, midis 300 dhe 2000 euro.
Ndërkohë që në stadium pritet të jenë shumë më tepër anglezë, që pritet të blejnë bileta nga pjesa neutrale.
Kujtojmë se stadiumi i Berlinit do të ketë një kapacitet prej 75 mijë vendesh dhe nuk do të ketë asnjë vend bosh për finalen e së dielës.
