Shorti i grupeve të Europianit do të hidhet nesër ora 18:00. Ndërkohë UEFA ka njoftuar gjithashtu se të hënën ora 12:00 do të dalin online edhe biletat për të ndjekur nga afër sfidat që do të zhvillohen në muajin qershor në Francë.
Do të hidhen gjithsej 800 mijë bileta online dhe mundësia për t’i blerë do zgjasë deri më 18 janar. Në linkun që do të ofrojë uebsajti zyrtar i UEFA-s, secili mund të shkruajë gjeneralitetet dhe të bëjë prenotim nëpërmjet kartës së kreditit duke zgjedhur llojin e biletave dhe kategorinë.
Më pas, do të njoftohet nëse ai ka arritur të jetë përzgjedhur për të marrë një biletë apo jo. Çdo biletë do të jetë e personalizuar me emër e mbiemër dhe maksimumi që mund të marrë një individ, janë katër bileta, për katër ndeshje të ndryshme të kompeticionit.
