Presidenti i Kosovës Hashim Thaçi dhe përfaqësuesi i Bashkimit Evropian, Josep Borrell, ranë dakord për zgjatjen teknike njëvjeçare të mandatit të misionit të Misionit të Bashkimit Evropian për Sundimin e Ligjit në Kosovë (EULEX).
Sipas një komunikate për media nga zyra e presidencës, thuhet se zgjatja teknike po bëhet pasi pandemia ka pamundësuar negociatat për të ardhmen e mandatit të EULEX-it.
Mandati i EULEX-it është negociuar çdo dy vjet dhe gradualisht është zvogëluar mandati si dhe janë mbartur kompetencat tek organet vendore.
EULEX Kosova ka filluar në vitin 2008 si misioni civil më i madh në kuadër të Politikës së Përbashkët të Bashkimit Evropian për Siguri dhe Mbrojtje./Opinion.al
