Revista online “EU Reporter” ka bërë përgënjeshtrim lidhur me akuzat që kishte bërë ndaj Shkelzen Berishës. Në përgënjështrim thuhet se i kishin besuar një burimi jo të sigurt, ndaj i kërkon ndjesë dhe i jep mundësinë e sqarimit, djalit të ish-kryeministrit.
Shkelzen Berisha dëshiron të theksojë:
Unë kurrë nuk kam udhëtuar me z. Kalaj në Pragë. Provat, për të cilat pretendoni se janë në dosjen e gjykatës, nuk ekzistojnë. As dosja e gjykatës në të cilën ju referoni, as dosja e komisionit parlamentar nuk përmban ndonjë dëshmi apo pohim të tillë. Në fakt, kjo nuk është përmendur as në deklaratat publike të fryra.
Unë kurrë nuk kam diskutuar për çështjen e privatizimit me drejtorët e kompanive të ndërmarrjeve çeke, bashkëpunëtorët e tjerë të kompanisë, apo këdo tjetër. Provat, për të cilat pretendoni nuk ekzistojnë. As dosja e gjykatës në të cilën ju referoni, as dosja e komisionit parlamentar nuk përmban ndonjë dëshmi për një kërkesë të tillë.
Unë kurrë nuk kam pasur në pronësi një vilë. Kam blerë një apartament në vitin 2013, nëpërmjet një kredie bankare, të cilin më vonë e kam shitur në vitin 2016. Kjo ka qenë pasuria ime e vetme e paluajtshme. Kini parasysh se kjo është e ditur publikisht dhe mund të provohet me lehtësi nga deklarata e pasurisë e paraqitur çdo vit nga unë, që nga viti 2006.
Në lidhje me shpërthimin në Gërdec, nuk kishte asnjë akuzë kundër meje, sepse nuk kishte asnjë! Për arsye të thjeshtë se nuk kam pasur lidhje me të! Ka pasur një gjyq të gjatë në Shqipëri rreth shpërthimit në Gërdec, që ka konsumuar të gjitha hapat e gjyqësorit, me shumë të dënuar, me qindra dëshmi dhe kurrë nuk u shfaq emri im gjatë gjithë këtij procesi ligjor, as edhe një herë.
