Kievi është në gatishmëri për një pushtim të mundshëm rus të vendit, gjë që nuk përjashtohet deri më 16 shkurt nga Shtetet e Bashkuara dhe aleatët e saj, ndërkohë që gjatë ditës priten komunikime të rëndësishme për uljen e tensioneve.
Në deklaratën e saj të parë mbi informacionin për pushtimin “në ditët në vijim”, Ukraina thekson se: “Është jashtëzakonisht e rëndësishme të ruajmë qetësinë tonë”.
“Ne duhet të qëndrojmë të bashkuar në vend dhe të shmangim veprimet që minojnë stabilitetin dhe mbjellin panik. Forcat e armatosura të Ukrainës po monitorojnë vazhdimisht situatën dhe janë të gatshme të zmbrapsin çdo cenim ndaj integritetit territorial dhe sovranitetit kombëtar të Ukrainës”, thuhet në një deklaratë të Ministrisë së Jashtme.
Kievi gjithashtu vë në dukje se është “në kontakt 24 orë në ditë me të gjithë partnerët kryesorë ” dhe është i shpejtë për të marrë informacion mbi çështjet e sigurisë.
“Ne vazhdojmë të punojmë për të zbutur tensionet dhe për të mobilizuar mbështetjen e partnerëve tanë ndërkombëtarë në mënyrë që ta mbajmë Rusinë brenda kornizës diplomatike”, tha Ministria e Jashtme e Ukrainës në një deklaratë.
Ndërkohë Departamenti Amerikan i Shtetit i ka kërkuar stafit të Ambasadës të largohet nga Kievi, ndërkohë që sot në mbrëmje pritet një bisedë telefonike mes presidentëve Biden dhe Putin. Gjithashtu bisedë telefonike presidenti rus do të ketë edhe me presidentin francez Macron, ndërkohë që Sekretari Amerikan Blinken, njoftoi një komunikim me Ministrin e Jashthëm Rus, Lavrov.
“Nëse Rusia është vërtet e interesuar për të zgjidhur krizën e krijuar përmes diplomacisë dhe dialogut, ne jemi të gatshëm ta bëjmë”, tha Blinken./Opinion.al
