Qeveria e Estonisë do të mbledhë ADN-në e 100,000 qytetarëve për t’u ofruar atyre këshilla të personalizuara shëndetësore dhe të mënyrës së jetesës.
Rreth 8 % e popullsisë prej 1.3 milionë banorësh do të japin mostrat e tyre të gjakut për programin e paprecedent, i cili synon të minimizojë problemet shëndetësore duke paralajmëruar pjesëmarrësit të cilët janë të rrezikuar ndaj sëmundjeve kardiovaskulare dhe diabetit.
Megjithatë, kritikët thonë se skema e financuar nga shteti prej € 5m (£ 4.36m) mund të shkaktojë stres të panevojshëm për njerëzit që zbulojnë se kanë më shumë gjasa të preken nga sëmundje të caktuara.
Sipas The Independent qeveria e Estonisë është e para që zhvillon një shërbim personal të informacionit gjenetik, edhe pse skema të ngjashme zhvillohen nga kompani private si ajo e Kalifornisë 23andMe.
Programi do të analizojë ADN-në e pjesëmarrësve për 600,000 variante që lidhen me sëmundjet më të zakonshme.
Shpresohet që pjesëmarrësit të cilëve t’u jepen paralajmërime të hershme do të zhvillojnë një mënyrë jetese më të shëndetshme ose do të marrin medikamente parandaluese./tvklan.al
