Pas sulmeve ruse në Ukranë, Estonia ka mbyllur hapësirën e saj ajrore për avionët rusë, duke iu bashkuar fqinjit të saj baltik, Letonisë.
Kryeministrja e saj, Kaja Kallas, u kërkoi vendeve të tjera të BE-së të ndiqnin shembullin. Letonia tani ka anuluar të gjitha fluturimet drejt Rusisë deri më 26 mars, jo vetëm ato të linjave ajrore ruse.
“Një tjetër vendim në parim – Estonia do t’i ndalojë linjat ajrore ruse të hyjnë në hapësirën e saj ajrore. Polonia dhe Republika Çeke e kanë bërë tashmë këtë, dhe ne u bëjmë thirrje të gjitha vendeve të Bashkimit Evropian të bëjnë të njëjtën gjë. Avionët e një kombi të përjashtuar nuk kanë vend në qiejt e demokracisë”, tha Kallas.
Polonia, Britania e Madhe, Republika Çeke dhe Bullgaria gjithashtu kanë vendosur kufizime.
