Diana Brahimi po kthehej në shtëpi në këmbë si çdo natë. Teksa ecte në rrugën “Via Di Vittorio” në Ponsacco të Pica-s u godit për vdekje nga një makinë. Në timon ishte një 90 vjeçar italian i cili ka thënë në polici se nuk e kishte parë 45 vjeçaren…
Mediat italiane shkruajnë se Diana njihet në komunitet pasi punonte si estetiste dhe familja kishte shumë vite që jetonte në Itali.
Aksidenti ndodhi në orën 19:30 te ditës së hënë dhe me gjithë ndihmën e shpejtë ajo nuk arriti të mbijetojë. Mediat italiane shkruajnë se aksidenti ka qenë shumë i fortë dhe trupi i gruas kishte pësuar dëme të shumta. Shumë njerëz u mblodhën në vendin e ngjarjes përfshirë të afërm të Dianës pasi vendi i aksidentit ishte afër me shtëpinë e saj. Mediat shkruajnë se faji ka qenë i gjithi i shoferit në moshë të thyer (90 vjeç), i cili humbi kontrollin e mjetit dhe shtypi gruan shqiptare në trotuar. Diana Brahimi ka lënë pas bashkëshortin dhe tre fëmijët e saj. /Opinion.al
