Esmeralda Keshi është zgjedhur anëtarja e re e KLP-së. Në garë ishte dhe Vladimir Mara dhe të dy sipas konkluzioneve të Prokurorisë së Përgjithshme, plotësonin kushtet ligjore për pozicionin e anëtarit në KLP-së.
Pas votimit të 253 prokurorëve Esmeralda Keshi ka marrë 133 vota, ndërsa Vladmir Mara mori 109 vota. Keshi do të zëvendësoje në detyrë në KLP, Gentian Osmanin.
Për këtë të fundit, Kolegji i Posaçëm i Apelimit (KPA) vendosi shkarkimin nga detyra. Prokurori kishte kaluar procesin e vetting-ut në Komisionin e Pavarur të Kualifikimit, por vendimi u ankimua në KPA nga Komisioneri Publik me rekomandim të Operacionit Ndërkombëtar të Monitorimit.
Gentian Osmani është anëtari i dytë i KLP që shkarkohet nga Kolegji i Posaçëm i Apelimit pas apelimit të bërë nga Komisionieri Publik. Antoneta Sevdari, ish-prokurore në shkallën e parë, pas konfirmimit në detyrë nga KPK u shkarkua nga Kolegji i Posaçëm i Apelimit./ Opinion.al
