Disa orë pasi i vëllai, Hektor Balili deklaroi se nuk ka asnjë urhdër arresti për Klemendin, Gjykata e Krimeve të Rënda ka lëshuar urdhër arrest për Klement Balilin, i ashtuquajturi si “Eskobari i Ballkanit”.
Urdhër-arresti i është dhënë Policisë së Shtetit për ekzekutim, ndërsa mbi Balilin është dhënë masa “arrest me burg” në mungesë.
Mbi Klement Balilin rëndon akuza e trafikut ndërkombëtar të drogës dhe grupit të strukturuar kriminal, grup ky që sipas Gjykatës së Krimeve të Rënda ekzistonte prej kohësh.
Gjatë ditës së sotme Policia e Shtetit dhe forcat lëvizëse operacionale FLO dhe forcat e lëvizshme operacionale, niswn një aksion për kapjen e Klemend Balilit, i cili cilësohet nga mediat greke si ‘Eksobari i Ballkanit’.
Po sot vëllai i tij, Hekor Balili u shpreh për mediat se e dinte vendndodhjen e Klemendit. “Klemeneti këtu ka qenë tërë kohës. Sot u nis në Tiranë për dokumente, sepse për atë nuk ekziston urdhërarresti. Kjo është e gjitha një lojë politike”, theksoi ai.
“Nuk di ku ndodhet vëllai, kam kohë pa kontaktuar. Vëllai ka qenë në fshat, në Sarandë, në Tiranë. Në 4 të mëngjesit policia na rrethoi shtëpinë dhe na kontrollojë pa asnjë lloj shpjegimi. Policët ishin me maska dhe pa asnjë dokument. Pas kësaj, ata përdorën forcë ndaj vëllait tonë, e më pas e shoqëruan Hektorin, vëllain tonë, dhe e liruan më vonë”, tha Bashkim Balili.
Aktualisht prokurorët e Task Forcës pranë Krimeve të Rënda po identifikojnë pasuritë e Klement Balilit dhe llogaritë e tij bankare për t’ju drejtuar më pas Gjykatës me kërkesën për sekuestro konservative deri në përfundim të hetimeve ndaj tij.
Pak ditë më parë autoritetet greke dorëzuan në prokurorinë shqiptare një dosje voluminoze prej 10 mijë faqesh, sa i takon çështjes ‘Balili’. Fill pas kësaj, reagoi avokati grek i Klement Balilit, i cili tregoi rastet se kur autoritetet shqiptare mund të arrestojnë klientin e tij. Ndërkohë, duke qëndruar tek dosja ai pohoi se ndaj Balilit nuk ka asnjë provë.
