Sot ka qenë një ditë e rëndësishme për kinezët kudo në botë. Është zyrtarisht Viti i Derrit dhe festimet kanë qenë marramendëse kudo. Në të gjithë Kinën qytetet janë zbukuruar me fanarë dhe dekorime të shndritshme. Sigurisht nuk ka munguar as performanca me dragoin e famshëm, i cili prej disa ditësh ndodhej edhe mes sheshit Skendërbej.
Viti i Ri kinez nis ndryshe çdo vit, në varësi të hënës së re dhe diellit. Horoskopi kinez ka 12 shenja njësoj si ai që ne lexojmë çdo ditë, por karakteristikat dhe ndarja janë të ndryshme. Ai bazohet në një cikël prej 12 vitesh dhe secili është i lidhur me një prej shenjave të horoskopit: miu, tigri, lepuri, dragoi, gjarpri, kali, dhia, majmuni, gjeli, qeni dhe derri. Duke qenë se është Viti i Derrit, po ndajmë me ju edhe cilët persona i përkasin kësaj shenje. Të lindurit në vitet 1923, 1935, 1947, 1959, 1971, 1983, 1995, 2007 do të jenë ata më me fat këtë vit pasi i përkasin shenjës së Derrit./E.L
