Gazetari Elton Qyno ka deklaruar se para se Ervis Martinaj të zhdukej familja ka pasur kontakte në forma të ndryshme me të.
I ftuar në Euronews Albania ai tha se mesazhi i fundit i Martinajt ka qenë me xhaxhain e tij, më 8 gusht të këtij viti ku i kishte kërkuar të kishin kujdes pasi mund të kishte kontrolle.
Më tej ai tha se kur kanë nisur të kontrollohen kamerat, është konstatuar se zona e Shijakut ka qenë vendi i fundit ku është parë dhe më pas ai është zhdukur.
“Pas disa minutash nëna e Brilant Martinajt, i ka çuar një mesazh ku e ka pyetur se nga kush duhet të ruheshin. Nga ky moment ai nuk është përgjigjur më dhe familja nuk ka pasur më asnjë kontakt me të në telefon. Kur kanë nisur të kontrollojnë kamerat, kanë konstatuar se zona e Shijakut ka qenë vendi i fundit ku ai është zhdukur”, tha gazetari.
Ndër të tjera gazetari tha se familjarët dyshojnë se Elvis Martinaj është tradhtuar nga shokët të cilëve iu besonte verbërisht.
Është zënë në besë sipas tyre. Pikëpyetja më e madhe është se pse nuk po e merr SPAK këtë cështje dhe pse policia s’ka një deklaratë zyrtare”, tha gazetari.
