Komisioni për reformën zgjedhore nuk do të njihet nga Partia Demokratike, pasi sipas saj, ky komision është jo-legjitim.
Bashkëdrejtues të këtij komisioni janë deputetët Rudina Hajdari dhe Damian Gjiknuri, ky i fundit i akuzuar nga PD për përfshirje në shit-blerjen e votës.
Ndërkohë, Sekretari i Përgjitshëm i PD-së, Gazment Bardhi, ka deklaruar se opozita e bashkuar është e gatshme të kontribuojë për reformën zgjedhore në mënyrë transparente dhe gjithpërfshirëse, por sipas tij komisioni i reformës zgjedhore nuk i garanton këto.
“PD dhe opozita i mbetet qëndrimit publik, të shpallur në tryezën e organizuar nga OSBE. Ne jemi të gatshëm të kontribuojmë për reformën zgjedhore në një mënyrë transparente, gjithpërfshirëse dhe barazi të plotë me palën tjetër. Këto nuk i garanton komisioni, jo-legjitim i reformës zgjedhore”- u shpreh Bardhi./ Opinion.al E.Xh.
