Të tjera detaje janë zbuluar nga vrasja e 45-vjeçarit Flamur Duci, i cili u gjet i vrarë pranë lokalit të tij sot në fshatin Mborje të Korçës.
Lidhur me ngjarjen e rëndë, mësohet se 45-vjeçari është goditur me thikë afër zemrës nga persona ende të paidentifikuar dhe se ka plagë që dyshohet të jenë shkaktuar edhe nga lëndë djegëse (benzinë), pasi është tentuar që t’i vihet zjarri.
Familjarët e Ducit shprehen; “Oh ç’i kanë bërë. E kanë bërë me nge. E kanë çarë me thikë dhe i kanë djegur kokën. Pupu ç’i kanë bërë. I vuajtur tërë jetën. Në 6 të mëngjesit e kanë vrarë. Trupi ishte jashtë marketit, ishte çarë me thikë. Besoj se është hasmëri që e kanë goditur me thikë dhe e kanë djegur”, tha një nga të afërmet që qëndron jashtë morgut të spitalit të Korçës.
Ndërkohë, policia ende nuk ka mundur të identifikojë autorët e krimit, ndërsa një nga pistat e hetimit është dhe konflikti brenda familjes./ Opinion.al
