Presidenti Donald Trump i ka hequr të drejtën për të pasur akses në informacionet e klasifikuara për Antony Blinken, ish-Sekretarin e Shtetit dhe Jake Sullivan, ish-këshilltarin e Sigurisë Kombëtare, thanë zyrtarët e Shtëpisë së Bardhë të shtunën.
“Djalë i keq. Hiqjani lejet”, i tha Trump gazetës New York Post për Blinken, Sekretarin e Shtetit të Biden.
Ky veprim erdhi një ditë pasi Trump deklaroi se kishte hequr autorizimin e sigurisë për paraardhësin e tij, Joe Biden, duke i ndaluar aksesin në informacione të përditshme të inteligjencës.
Trump gjithashtu hoqi autorizimet e sigurisë për Zëvendës Prokuroren e Përgjithshme të Biden, Lisa Monaco, e cila ndihmoi në koordinimin e përgjigjes së Departamentit të Drejtësisë ndaj sulmeve të 6 janarit 2021 në Kapitoli.
Ata shtuan se Trump hoqi gjithashtu autorizimet e sigurisë për Prokuroren e Përgjithshme të Nju Jorkut, Letitia James dhe Prokurorin e Qarkut të Manhatanit, Alvin Bragg, të cilët kanë udhëhequr çështje ligjore kundër Trump.
Edhe pse këto revokime mund të mos kenë ndikim të menjëhershëm, ato janë një tjetër shenjë e përçarjes në Uashington. Ish-presidentët amerikanë tradicionalisht kanë marrë informacione të inteligjencës për t’i ndihmuar presidentët në detyrë me këshilla mbi sigurinë kombëtare dhe politikën e jashtme.
Në vitin 2021, Biden revokoi autorizimin e sigurisë për Trump, i cili në atë kohë ishte ish-president.
