Aktualitet

“Ervis Martinaj”, kush gënjen media apo avokati?!


Bëhu pjesë e Grupit Zyrtar të Opinion.al
>> KËTU <<
               Publikuar në : 14:30 - 09/10/18 |
b.f

Ervis Martinaj, mbeti i plagosur në përplasjen e armatosur të 4 tetorit në Bllok. Ermi i tij nuk është i panjohur për drejtësinë dhe u përfol se sherri ka qenë mes tij dhe Ervin Matës, pavarësisht se në dëshminë e dhënë para hetuesve ka mohuar përfshirjen e tij në ngjarje. Përgjatë gjithë këtyre ditëve mediat kryesore në vend, mes tyre gazeta “Panorama” kanë zbardhur pjesë nga deklarata e Martinajt përpara grupit hetimor. Por avokati i tij, Mirash Martini deklaroi mbrëmjen e djeshme në “Opinion” se materialet e publikuara në media janë të paverteta. Sipas tij, Ervis Martinaj dhe Ervin Mata nuk kanë qenë në konflikt.

Dëshmia e Martinajt botuar në gazetën Panorama:

“Unë e njihja prej kohësh si komandon, ashtu edhe Ervin Matën. S’kemi pasur konflikte me njëri-tjetrin. Nuk shkuam për t’u vrarë, por për t’u sqaruar. Nëse do donin të më vrisnin, unë do isha i vdekur sot. Pasi u plagosa pa dashje në qafë dhe truprojat e mi u vranë. Por komando nuk qëlloi mbi mua. Edhe pse unë isha i shtrirë. Plumbi më kapi pa dashje. Sherri nuk ka ndodhur për asnjë femër, sepse nuk vuaj unë për to që të shkoj të vritem për ato.

Nuk u ulëm në një tavolinë ku ndodhej Mata, pasi kishte 1 orë e gjysmë që më priste, sepse unë u ula në banak, kështu e kemi kodin tonë. Dhe jemi gërricur me sy, dy truprojat e mi me komandon. Më pas, vjen Gaxha me një tjetër roje dhe godasin me qytën e pistoletës komandon.

Pasi u bëj me shenjë: “Çohuni dhe lëreni”, Gaxhës i shkrepi pistoleta pa dashje në ajër, këtu ndërhyri komando që i vret. Pavarësisht tensionit që ekzistonte, shkak për degradimin e situatës dhe vrasjes është bërë ndërhyrja e menjëhershme e Fabian Gaxhajt dhe e një personi tjetër që kanë qëlluar komandon Mevjol Billo dhe më pas shkrepja e armës pa dashje nga Gaxhaj”.

Ndërsa avokati i hodhi poshtë të gjitha këto, duke u shprehur në studion e “Opinion” se Ervis Martinaj së bashku me Eljon Haton janë nisur për të shkuar në një lokal tjetër në zonën e ish-Bllokut, përballë lokalit ku dhe ndodhi konflikti. Martini deklaroi se në momentin që kanë parkuar automjetin, ata janë ftuar nga pronari i lokalit, Redi Popesku, për të pirë diçka në lokalin e tij. Sipas tij, klienti i tij, bashkë me Popeskun janë ulur në banak për të pirë diçka dhe nuk ka qenë në dijeni të konfliktit që kishte Fabian Gaxha me komandon.Po kështu, avokati tha se Martinaj dhe Mata janë bërë bashkë në lokal pasi kanë miqësi me njëri-tjetrin. Sipas avokatit, viktima Fabiol Gaxha nuk ishte truproja e Martinajt, por shoku i djalit të dajës. Po sipas avokatit, komandoja nuk e njihte Ervis Martinajn.

*Video versioni i avokatit per ngjarjen

Pas