Emisioni Stop në Tv Klan denoncoi ndërhyrjen që është bërë në strukturën e godinës së ish-hotelit të oficerëve në Ersekë pa asnjë projekt.
Pas aprovimit që dha kryebashkiaku i Ersekës për t’u takuar me inspektorët, në objekt u shfaq vetëm kryeinspektori i IMT Paqësor Cane, i cili pranoi faktin se nuk ka projekt për ndërhyrjet.
Gazetari: Na i fikën telefonat, telefonin të gjithë, vetëm me Paqësorin jam këtu…! Nuk vjen asnji…
Kryebashkiaku Erion Isai: Kush duhet të vijë tjetër?
Kryeinspektori IMT, Paqësor Cana: Erjoni, Muharremi…,se këta e kanë firmosur.
Kryebashkiaku Erion Isai: Po c’lidhje ka, more vëlla?! Është zbatuar firma. Ata kanë firmosur, janë në rregull.
Gazetari: Po nuk e kanë zbatuar mo Erion! A më kupton? Kanë zënë shkallët, kanë ndërhyrë në fasadë.
Kryebashkiaku Erion Isai: Po nuk e kanë zbatuar, kryeinspektori bën urdhrin e prishjes dhe kallzimin penal për banorët, patjetër.
Gazetari: Ok!
Kryeinspektori IMT, Paqësor Cana: Mirë mo kryetar, po atje s’ka projekt mo kryetar! Unë vajta në fillim, ata erdhën, u ankuan tek ju dhe ju i thatë “do ngre komision dhe do e zgjidh”.
Kryebashkiaku Erion Isai: Paqsor nuk miratohet gjëja pa projekt, në kuptimin urbanistik.
Kryeinspektori IMT, Paqësor Cana: Po ja e ka projektin ky djali. Ka një projekt gjashtë viza dhe një vizë e shtrembur, shtatë. Projekti është projekt, se unë jam inxhinier për vete kryetar dhe e di jepet preventivi, situacioni, jepen të tëra, që unë të kontrolloj…çfarë të kontrolloj? Të vete në pyll…?
Kryebashkiaku Erion Isai: Edhe ia kërkon Kryetarit të Bashkisë tani, Paqsori projektin, të lutem, se po e bëjmë banale vëlla! Më kupton?
Kryeinspektori IMT, Paqësor Cana: Po jo, prandaj kërkojmë Erion Cenkon.
Kryebashkiaku Erion Isai: Ore, të lutem dhe më merr mua ti, të të nxjerr Erionin? Kryetari Bashkisë?!
Kryeinspektori IMT, Paqësor Cana: Jo, jo s’të kam marrë unë.
Kryebashkiaku Erion Isai: O Kryeinspektor, që ke kartë, që hyn benda.
Kryeinspektori IMT, Paqësor Cana: O kryetar! Unë as të kam marrë e as të marr në telefon. Puna është këtu: “thuaj specialistëve me mua të vemë të bëjmë punën! Kaq edhe e mbyllim.
Kryebashkiaku Erion Isai: Po si mo t’i them unë?! Roja i derës jam unë? E kupton, që po flet me kryetarin e bashkisë?!
Kryeinspektori IMT, Paqësor Cana: Po mirë mo, dikur edhe unë kam qenë drejtor i madh. Ndonjëherë vjen ajo, që na lëviz karrigia dhe s’dimë nga t’ia mbajmë…
Kryebashkiaku Erion Isai: Edhe ta marr unë tani, se s’po e marr vesh?
Kryeinspektori IMT, Paqësor Cana: Po jo bre xhan! Ju bëtë mirë, që folët. Juve s’keni përgjegjësi. Kemi ne specialistët; unë, Muharremi, Erioni, të vemë ta sqarojmë! Kaq! Mbaroi!
Kryebashkiaku Erion Isai: Në qoftë se Muharremi, Erioni, kanë shkelur ligjin, përgjigjen para ligjit. Nëse ata e kanë dhënë lejen, për të tjera punime dhe janë bërë të tjera punime, zonjat, që kanë bërë punimet përgjigjen para ligjit.
Kryeinspektori IMT, Paqësor Cana: Po, po e thamë edhe zonja, që ka bërë do të përgjigjet para ligjit, se nuk është kështu se edhe në pyll të jesh, nuk të le ujku.
Kryebashkiaku Erion Isai: Patjetër!
Kryeinspektori IMT, Paqësor Cana: Mirë profesor! Të uroj shëndet! Gjithë të mirat!
Kryebashkiaku Erion Isai: Hajde vëlla! Ciao!
Pas bisedës me kryetarin e Bashkisë Ersekë, në godinë erdhi edhe inspektori Erion Cenko për të konstatuar shkeljet në objekt. Të dy inspektorët pranuan shkeljet e bëra dhe thanë se i kanë konstatuar edhe më parë ato, por janë frenuar nga kreu i Bashkisë.
Gazetari: Tani konstatoni shkelje këtu? Këtë duam të dimë!
Inspektori Erion Cenko: Ta lexojnë inspektorët përkatës projektin!
Gazetari: Po tani, ju për cfarë jeni?
Inspektori Erion Cenko: Ta lexojë inxhinieri përkatës!
Gazetari: O zotëri! Ti ke firmosur, o zotëri!
Inspektori Erion Cenko: O zotëri!
Gazetari: E di, që mban përgjegjësi ti për këtë? Se ata thonë më kanë lënë…
Inspektori Erion Cenko: E di shumë mirë, po projektin nuk ta lexoj unë, është e thjeshtë.
Gazetari: Po për cfarë je ti këtu? Cfarë konstaton?
Inspektori Erion Cenko: Këtu domethënë dritarja, është kthyer në derë… Më duhet të iki, se kam punë tjetër!
Gazetari: Çfarë konstaton këtu? Konstaton bllokimin e shkallëve dhe…
Inspektori Erion Cenko: Unë konstatoj…
Inspektori Erion Cenko ikën nga inspektimi.
Gazetari: Çfarë konstatojmë këtu, zotëri?
Kryeinspektori IMT, Paqësor Cana: Po ca të them?! Po të kishte projekt, që ta shikoja….
Gazetari: Po ja ky është projekti. Ky, që na i tha nënkryetarja.(Eliona Mydini) Ky është projekti! Ja ku është projekti. Çfarë konstaton? Në projekt nuk…
Kryeinspektori IMT, Paqësor Cana: E lexon vetë, ëëë çfarë të them unë?! Se ëëë cfarë duhet të them?!
Banorja Diana Sejati: Paqo! Mos qesh ti, se ti e ke parë atë projekt..!
Kryeinspektori IMT, Paqësor Cana: Kë? Jo, jo. Atje nxirreni ju, se kush ja u ka bërë projektin dhe gjejeni!
Sipas tyre kryebashkiaku u ka thënë se do të ngrejë një grup tjetër për inspektimin e shkeljeve. Nga ana tjetër edhe prokurori i Korçës ka dalë me vendimin për mosfillimin e procedimit, edhe pse shkeljet në këtë rast duken hapur./ Tv Klan
