Padyshim që Saimir Pirgu dhe Ermonela Jaho janë dy nga artistët më të shquar shqiptarë dhe kudo që shkelin arrijnë ta ngrenë publikun në këmbë dhe të na bëjnë më shumë se kurrë krenarë.
Kështu prej disa ditësh të dy artistët kanë njoftuar nëpërmjet rrjeteve të tyre sociale dhe fotografive se kanë nisur një tur në botë shkruan Albeu.com.
Në këtë mes shtatori Ermonela dhe Saimiri janë gjendur në Argjentinë ku për nder të 160 vjetorit të Teatrit Colon kanë performuar live për publikun veprën shumë të njohur të Verdit “La Traviata”.
Të dy ata kanë bërë një performancë të jashtëzakonshme dhe kanë mahnitur publikun në teatër por edhe atë që e ndiqte live nëpërmjet platformave online.
