“Zoti Ramush, a keni ju dashnore?”
Kjo pyetje e drejtpërdrejtë e ka vënë në siklet kryeministrin e Kosovës, Ramush Haradinaj.
Kreu i qeverisë do të jetë i ftuar këtë javë në emisionin ‘Xing me Ermalin’, ku do të flasë për jetën private përpos asaj në politikë.
Përmes një videoje promo Ermali ka ndarë momentet më pikante nga emisioni i cili është regjistruar gjatë kësaj jave.
Një nga pyetjet e moderatorit është nëse ‘ka dashnore kryeministri’.
Haradinaj e dha përgjigjen, por me sa duket mund të mos e marrim vesh kurrë, pasi ai ngrihet në këmbë dhe ia thotë në vesh Ermalit.
Kryeministri duket se e ka marrë me sportivitet emisionin, duke qenë se është e pranishme edhe bashkëshortja e tij Anita.
